அனைத்துத் திட்டங்களிலும் காலநிலை மாற்ற நடவடிக்கை – முதல்வர் அறிவிப்பு

“நம்முடைய திராவிட மாடல் அரசு ஆட்சிப் பொறுப்பேற்றதில் இருந்து தொடர்ந்து நான்காவது முறையாக இந்த காலநிலை உச்சி மாநாட்டை வெற்றிகரமாக நடத்திக் கொண்டிருக்கிறோம். துறையின் பெயர்மாற்றத்தில் தொடங்கி, செயல்பாடுகளிலும் காலநிலை மாற்றத்தை எதிர்கொள்வதில் நம்முடைய உறுதிப்பாடு எதிரொலிக்கும் வகையில், பல முன்னெடுப்புகளை செய்து கொண்டு வருகிறோம். அதன் தொடர்ச்சிதான் இந்த காலநிலை உச்சி மாநாடு!

இதுமட்டுமல்ல, காலநிலை மாற்ற இயக்கம்! பசுமைத் தமிழ்நாடு இயக்கம்! தமிழ்நாடு ஈரநில இயக்கம்! தமிழ்நாடு நெய்தல் மீட்சி இயக்கம் மற்றும் இவற்றிற்கெல்லாம் கொள்கை வழிகாட்டுதல்களை வழங்கி வரும் தமிழ்நாடு காலநிலை மாற்ற ஆட்சி மன்றக் குழு! என்று பல்வேறு முன்னெடுப்புகளை எடுத்து கொண்டிருக்கிறோம்! அதனால் நான் சமீபத்தில், கூடுதல் தலைமைச் செயலாளர் திருமதி சுப்ரியா சாகு அமர்களுக்கு உலக அளவில் அங்கீகாரம் கிடைத்திருக்கிறது.

இந்த மாநாட்டைப் பொறுத்தவரைக்கும், நிலைத்தகு முறையில் ஏற்பாடு செய்யப்பட்டு, எல்லோருடைய பாராட்டையும் பெற்றிருக்கிறது. எப்படி என்றால், இந்த மாநாட்டால் ஏற்படக்கூடிய கார்பன் உமிழ்வுகளை ஈடு செய்யக்கூடிய விதமாக, கிருஷ்ணகிரி மாவட்டத்தில், ஆயிரத்து நூறு மரக்கன்றுகள் வனத்துறை மூலமாக நடப்பட்டிருக்கிறது. மற்ற அரசுத் துறைகளும் இந்த ஃபார்முலாவை கடைபிடித்தால், நம்முடைய மாநிலத்தின் ‘கரிம தேக்க’ இலக்கான, 30 35 மில்லியன் டன்களை வேகமாக அடைந்துவிடலாம்! நம்முடைய ‘நெட் ஜீரோ’ இலக்குக்கும் இது ஒரு மைல்கல்லாக இருக்கும்.

2022-ஆம் ஆண்டு, முதலாவது காலநிலை உச்சி மாநாட்டிலேயே, இந்தியாவின் ‘நெட் ஜீரோ இலக்கை 2070-ஆம் ஆண்டுக்கு முன்பே, தமிழ்நாடு அடைந்துவிடும் என்று நம்பிக்கையுடன் நான் சொன்ணேன் நா சொன்னது சரிதான் என காட்டுவது போல இந்த மாநாடு நடைபெறுகிறது. அதுமட்டுமல்ல, நம்மை நாமே சுயமதிப்பீடு செய்துகொள்ளவும் தேவைப்படக்கூடிய விஷயங்களில் Improve செய்து கொள்ளவும் தான் இந்த மாநாடு, அதிகரித்து வரும் வெப்பநிலை, அதீத மழைப்பொழிவு, புயல், வறட்சி வெப்ப அலை இப்படி எத்தனையோ இயற்கைப் பேரிடர்கள் உலகம் முழுவதும் பிரச்சினையாக உருவெடுத்திருக்கிறது. அதுவும். தமிழ்நாடு போன்ற கடலோர மாநிலங்களுக்கு காலநிலை மாற்றம் என்பது எங்கேயோ நடக்கும் சம்பவம் கிடையாது! நமக்கு அது அன்றாட நிகழ்வாக அமைந்திருக்கிறது. நாம் கொண்டு வரும் ஒவ்வொரு திட்டங்களிலும், காலநிலை மாற்றத்தை எதிர்கொள்வதற்கான தடுப்பு மற்றும் தகவமைப்பு நடவடிக்கைகளை ஒருங்கிணைத்து செயல்படுத்த வேண்டும். அந்த வகையில், நிறுவப்பட்ட காற்றாலை மின் உற்பத்தியில் இந்தியாவிலேயே இரண்டாவது இடமும், நிறுவப்பட்ட சூரிய ஒளி மற்றும் புதுப்பிக்கத்தக் ஆற்றல் உற்பத்தியில், இந்தியாவிலேயே நான்காவது இடமும் பெற்று. வளர்ந்து வருகின்ற மாநிலங்களில் முன்னோடி மாநிலமாக திகழ்கிறது.

நாம் ஆட்சிப் பொறுப்பேற்றபோது இருந்ததைவிட நிறுவப்பட்ட புதுப்பிக்கத்தக்க ஆற்றல் உற்பத்தி அளவு, குறுகிய காலத்திலேயே 77 விழுக்காடு உயர்ந்திருக்கிறது. போக்குவரத்து மூலமாக ஏற்படும் கார்பன் உமிழ்வுகளைக் கட்டுப்படுத்த இ-பஸ் பயன்பாட்டை அதிகரித்து கொண்டு வருகிறோம். இப்போதைக்கு மொத்தம் 380 இ-பஸ்கள் சென்னையில் இயக்கப்படுகிறது. 7 ஆயிரத்து 738 சுற்றுச்சூழலுக்கு உகந்த பேருந்துகள் கடந்த ஐந்து ஆண்டுகளில் பயன்பாட்டுக்கு கொண்டு வரப்பட்டிருக்கிறது.

• முதல் அறிவிப்பு இனி வரும் காலங்களில், அனைத்துத் துறைகள் மூலம் செயல்படுத்தப்படும் திட்டங்களையும், காலநிலை நடவடிக்கையுடன் இயைந்து செயல்படுத்தும் விதமாக பட்ஜெட் உருவாக்கப்படும்.
• இரண்டாவது அறிவிப்பு – நமது நாடு பாரிஸ் ஒப்பந்தத்தின்கீழ்,கார்பன் உமிழ்வுகளை குறைக்க. தேசிய அளவில் தீர்மானிக்கப்பட்ட சில பங்களிப்புகளை ஏற்றுக் கொண்டது போல், நம் மாநிலத்தின் கார்ப உமிழ்வுகளைக் குறைக்க, 2030-க்குள் செயல்படுத்தவேண்டிய மாநில அளவில் தீர்மாணிக்கப்பட்ட பங்களிப்புகள் உருவாக்கப்பட்டு, அவற்றை இலக்குகளாக கொண்டு செயல்பட நடவடிக்கைகள் மேற்கொள்ளப்படும்.
• மூன்றாவது அறிவிப்பு – தமிழ்நாடு முழுவதும் நடவு செய்ய ஐந்து இலட்சம் சந்தன மரக்கன்றுகள் வழங்கப்படும்.
• நான்காவது அறிவிப்பு வரும் காலங்களில் தொழிற்சாலைகளும், அரசு நிறுவனங்களும் இணைந்து, பசுமைத் தொழில்நுட்பங்களில் முதலீடு செய்து, உமிழ்வுகளைக் குறைக்கவும், உள்ளாட்சி அமைப்புகள் காலநிலை நடவடிக்கைக்கு முக்கியத்துவம் அளித்து செயல்படவும். இளைஞர்கள் காலநிலைத் தலைவர்களாகவும், தூதுவர்களாகவும் உருவெடுக்கவும் தொடர்ச்சியான நடவடிக்கைகள் எடுக்கப்படும்.