சுகாதாரத் துறைக்கு காலநிலை அறிவியல் மற்றும் காலநிலை சேவைகளின் நன்மைகளை மேம்படுத்துவதற்கும் அதிகரிப்பதற்கும் மிகப்பெரிய சாத்தியக்கூறுகள் உள்ளன.  31% தேசிய வானிலை மையங்கள் மட்டுமே ‘முழு’ அல்லது ‘மேம்பட்ட’ திறனில் காலநிலை சேவைகளை வழங்குகின்றன. இந்த இடைவெளியை நிரப்ப ஏராளமான கல்வி, தனியார் துறை மற்றும் அரசாங்க பங்களிப்பாளர்கள் பணியாற்றி வருகின்றனர்.

தற்போது, மொத்த உலக நாடுகள் பெறும் தகவமைப்புப் பணிகளுக்கான நிதியில் வெறும் 0.2% மட்டுமே சுகாதாரத்தை முதன்மை கவனமாக அடையாளம் காணும் திட்டங்களுக்கு செலவிடப்படுகிறது, மேலும் பல்துறை மற்றும் பயனுள்ள காலநிலை அறிவியல் மற்றும் சேவைகளுக்கான திறனில் முதலீடு மிகக் குறைவு. பெரும்பாலான ஹைட்ரோமெட்டாலஜிக்கல் முதலீடுகள் சுகாதார விளைவுகளை ஆதரிக்க தெளிவாக வடிவமைக்கப்படவில்லை. இது மாற வேண்டும் என அறிக்கை வலியுறுத்துகிறது.

காலநிலை மாற்றம் மற்றும் அதன் தீவிர தாக்கங்கள் அனைத்தையும் எதிர்கொண்டு வரும் இந்திய மாநிலங்களில் தமிழ் நாடும் ஒன்று. தற்போது டெங்கு பாதிப்பு தமிழ் நாட்டில் தீவிரமாக உள்ளது. இன்னும் இரண்டு மாதங்களுக்கு இப்பாதிப்பு தொடரும் என்பதால் எச்சரிக்கையுடன் இருக்க பொது சுகாதாரத்துறை அறிவுறுத்தியுள்ளது. டெங்கு பரவலுக்கும் புவி வெப்பமயதால் டெங்கு பரப்பும் கொசுக்களின் வாழ்நாளில் ஏற்படுத்தும் மாற்றத்துக்கும் தொடர்பு இருப்பதை அறிவியல் ஆய்வுகள் உறுதிபடுத்துகின்றன. பொது சுகாதாரத்துறையில் இந்தியாவில் பிற மாநிலங்களைக் காட்டிலும் வலிமையான கட்டமைப்பைக் கொண்டது தமிழ் நாடு. காலநிலை மாற்றத்தின் தாக்கத்திலிருந்து தமிழ் நாட்டைப் பாதுகாக்க பல்வேறு நடவடிக்கைகளை மேற்கொண்டு வரும் தமிழ் நாடு அரசு காலநிலை சேவைகள், தரவுகளைத் திறம்பட கையாண்டு சுகாதார பாதிப்புகளைக் குறைக்கும் நடவடிக்கைகளை வேகப்படுத்த வேண்டும்.

– சதீஷ் லெட்சுமணன்